ቅርንጫፍ ጽ/ቤት  

ኮልፌ ወረዳ 02 ብልፅግና ፓርቲ ሚዲያ

መጋቢት 15/2017 ዓ.ም

የኮልፌ ቀራኒዮ ክፍለ ከተማ ወረዳ 02 አስተዳደር የንቅናቄና መደበኛ የመንግስትና የፓርቲ ስራዎች አፈፃፀም ያሉበትን ደረጃ በአጠቃላይ አመራር ግምገማ ተደረገ።

በመድረኩም ከመንግስት ስራዎች አንፃር የስራ እድል ፈጠራ ፣ የሌማት ትሩፋት ፣ የቀዳማይ ልጅነት እንዲሁም በየብሎኩ የተለዩ የመልካም አስተዳደር ችግሮችን ከመፍታት አንፃር ያሉ ጉዳዮች የታዩ ሲሆን ከፓርቲ ስራ አንፃር የአባላት ምልመላ የብልፅግና ቤተሰብ ውይይቶችና የፓርቲ አቅጣጫዎች አተገባበር ዙሪያ ሰፋ ያለ ውይይት ተደርጓል።

በግምገማውም የወረዳው ዋና ስራ አስፈፃሚ አቶ አሰፋ ነጋሳ እንደገለፁት በመደበኛና በንቅናቄ ከተያዙ እቅዶች የስራ ዕድል ፈጠራና የከተማ ግብርና ስራዎች በተሻለ ደረጃ እየተሰሩ ቢገኙም ከእቅድ አንፃር እንዲሳካና ከዚያ በላይ መፈፀም እንዲቻል ሁሉም አመራር ርብርብ ማድረግ ይገባዋል በማለት ሌሎች ተግባራትንም በጊዜ የለኝም መንፈስ መፈፀም እንደሚገባ አሳስበዋል።ከዚህም በተጨማሪ ከጥቂት ቀናት በኋላ የሚከበረው የረመዳን በዓል አቅም ለሌላቸው ነዋሪዎች ማዕድ ለማጋራት እየተሰራ ያለው ስራ ላይ አቅጣጫ አስቀምጠዋል።

በመቀጠልም የወረዳው ብልፅግና ፓርቲ ቅርንጫፍ ጽ/ቤት ኃላፊ አቶ ዳኛቸው ሹመት እንደገለፁት በወረዳው በንቅናቄ እየተሰሩ ካሉት የስራ እድል ፈጠራ እና የክቡር ጠቅላይ ሚንስትር ዶ/ር ዓብይ አህመድ ኢንሼቲቭ የሆኑት የከተማ ግብርና ተግባራት ትኩረት ተሰጥቷቸው እየተሰሩ እንደሆነ ጠቁመው በቀሪ ጊዜያት በተሻለ መነሳሳት የወረዳው ነዋሪዎች እንዲጠቀመሙ አመራሮች ሚናቸውን በአግባቡ እንዲወጡ አሳስበዋል። አያይዘውም የፓርቲ ስራዎችን ሁሉም አመራር በተቀመጠው አቅጣጫ መሰረት በመፈፀም ውጤት ማምጣት እንደሚገባው ገልፀዋል።

በመጨረሻም በእቅድ የተያዙ የመንግስትና የፓርቲ ስራዎችን በተሻለ ሁኔታ መፈፀም እንዲሁም ያሉ ምቹ ሁኔታዎችን እንደ ፀጋ በመውሰድ ተግባራትን በውጤት ማሳካት ይገባል ሲሉ የወረዳው ዋና ስራ አስፃሚ አቶ አሰፋ ነጋሳ አበክረው አስገንዝበዋል፡፡

              ኮልፌ ወረዳ 02 ብልፅግና ፓርቲ ሚዲያ

                      መጋቢት 10 / 2017 ዓ.ም

በኮልፌ ቀራኒዮ ክፍለ ከተማ ወረዳ 02 ብልፅግና ፓርቲ ቅ/ጽ/ቤት ለወረዳው የብልፅግና ህብረት ፣ ቤተሰብና አባላት "የብሔራዊነት ገዢ ትርክትን በማስረፅ አስተማማኝ ሀገረ-መንግስት የመገንባት ሂደትን ስኬታማ ለማድረግ የአባላት ሚና ወሳኝ ነው " በሚል ርዕስ ስልጠና ሰጠ።

የብልፅግና ህብረትና ቤተሰብ እንዲሁም የአባላትን አቅም  የሚያጠናክሩ የጋራ እሳቤዎች ላይ የተደራጀ የአቅም ግንባታ ስልጠና መስጠት ለጠንካራ ሀገረ መንግስት ግንባታ ትልቅ ሚና እንዳለው ያስገነዘቡትና ስልጠናውን የሰጡት የክፍለ ከተማው ምክትል ፖለቲካና አቅም ግንባታ ዘርፍ ኃላፊ አቶ አደም መሀመድ በስልጠናው ሉዓላዊ ክብሯን ጠብቃ ያለች ኢትዮጵያን ለመገንባት  የገዢ ትርክትን ማስረፅ አስፈላጊ ነው ስለሆነም ዛሬ የተሰጡ አይነት ስልጠናዎችን በሁሉም አካባቢ  በማጠናከር በተግባር የምንስማማባት ሰላማዊና በዜጎቿ የተከበረች ሀገር እንድትገነባ የድርሻችንን መወጣት ይኖርብናል ሲሉ መልዕክታቸውን አስተላፈዋል ።

በመቀጠልም የወረዳው ብልፅግና ፓርቲ ቅርንጫፍ ጽ/ቤት ኃላፊ አቶ ዳኛቸው ሹመት በመልዕክታቸው ገዢ ትርክት አንድነቷ የተጠበቀች ሀገር ለመገንባት እና የነገ ሀገር ተረካቢ ትውልድ ለማነፅ ትልቅ አቅም የሚፈጥር ነው ያሉ ሲሆን አክለውም ጠንካራ ሀገር ለመገንባት አማካይ የሆነ እሳቤ በማራመድ ብሔራዊ ገዢ ትርክትን ተግባራዊ ለማድረግ እየተሰራ እንደሆነ ጠቁመው ሁሉም አባል የገዢ ትርክትን በአስተማሪ ትላንት ላይ በመገንባትና ዐርበኝነትን ለብሔራዊነት በመጠቀም የበኩሉን ሚና መወጣት እንዳለበት አስገንዝበዋል።

በስልጠና መድረኩ የወረዳው አስተባባሪዎች፣አጠቃላይ አመራሩና የብልፅግና ህብረትና ቤተሰብ አመራሮች የተሳተፉ ሲሆን ጥያቄዎችና ሰፋ ያለ ውይይትም በስልጠናው ተደርጎ ከመድረክ ማጠቃለያ በመስጠት ተጠናቋል።

            ኮልፌ ወረዳ 02 ብልፅግና ፓርቲ ሚዲያ       

                          መጋቢት 12/2017ዓ.ም

የወረዳው ዋና ስራ አስፈፃሚ አቶ አሰፋ ነጋሳ በተገኙበት እየተሰጠ ያለው የአንድ ማዕከል አገልግሎት ከተለያዩ ተቋማት ጋር በመቀናጀት የነዋሪዎችን ጊዜ ጉልበትና አላስፈላጊ መጉላላት በማስቀረት ረገድ ከፍተኛ ሚና እየተወጣ መሆኑን ተገልጋዩ ህብረተሰብ ምስክርነቱን እየሰጠ ይገኛል።

በተመሳሳይ ሌሎች የሴክተር ተቋማት አመራሮችም በቢሯቸው ተገኝተው ተገልጋዮችን በማስተናገድ ላይ ይገኛሉ። የባለጉዳይ ቀን የማህበረሰቡን ጥያቄ ከመመለስ አኳያ የላቀ ሚና እየተወጣ ይገኛል።